BaCk form el mo3asKr

السلام عليكم

انا رجعت من المعسكر يا بشر

بجد خمس تيام حاجة زى الفل فيهم التهيس والبهدلة كتير البهدلة دى والخروجات والضحك والنوم وكل حاجة

اول يوم جيت وسبتهم فى نص اليوم عشان استقبل ابويا كان جاى من العمرة حمد الله على سلامته وجيت فى نص اليوم اللى بعده يعنى ممكن تقول قضيت 4 ايام ونص

بس بجد كانم احسن ايام حياتى حتى الان

سهر لحد الصبح وتهيس بغباااااااااااااااء

دورات كورة وتكسير عضم وصلت اننا لعبنا 5 ساعات متواصلة كورة

من 10 لحد الساعة 2.30

ده كان بيسموه تدريب لدورة قعدت يدوب نص ساعة وخرجنا منها تانى من تلاتة هههههههههههههه

اليوم اللى بعده اللى هو كان الجمعة كان مارثون جرى اتنين كيلو بجد كان يوم متعب اه لكن بجد حسيت انناا مهمين

المارثون  بداء اه مشوفتش العيال اللى بتجرى سبقونى بكام 100 متر فى ثانية

بس الى فرحنى اهتمام الناس اللى هناك اسعاف وشرطة وناس بتهيص فى البيوت ويلا يا بطل اصل كنا لابسين ارقام وكان شكلنا مارثونجية على حق

انا بقا طلعت ال65 من 140 تقريبااا والله الحمد لله على واحد بيقعد اكتر من 15 ساعة على الجهاز ولا جرى ولا بتاع

وحضرنا حفل  صغنن لناس صغننة بس كان جميل

الايام اللى بعدها كانت خروجات وكورة وبحر وتهيس

ورقص وكافتريات ومشى على البحر

بس بجد اكتسبت حاجات كتيرة اوى فى المعسكر ده عرفت ناس بجد عرفتهم على حق مش شكلااا بس

بجد اجمل تحية لكل اللى كانو فى المعسكر

عرفت انى لازم العب رياضة اكتر من الجرى واللع بتاع كل يوم جمعة لازم اكتر

النتائج السلبية انى اول ما جيت نمت لحد الساعة 8 يعنى من 12 لحد 8 بليل اتغديت واتفرجت على متش الاهلى ونمت تانى صحيت الساعة 12 وانا كنت نايم 12 برده

خمووووووووووووووووول بغبااااااااااااااااااااااااء

الحمد لله رجعت وفرح اخويا كمان يومين والحياه فل

واللى مش هايجى من اصحابى هاطخه

والبيت هايفضى عليا

يلا سلام

 

بعد سنة ذل الحمد لله نجحت

السلام عليكم

بقالى حبة كدا مش بكتب على البلوج كنت مشغول فيها اوى بس الحمد لله ربنا فرحنى الايام دى اوى والله

اولها كان اول امبارح كان فرح ابن عمتى فى الاسكندرية

بجد كان يوم  جااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااامد اوى اوى

وشوفت حببتى كمان ويارتنى ما شوفتها لانى مشيت بسرعة

حببتى بعطرها وجمالها وبحرها وامواجها ومعالمها وناسها …. حببتى هى اسكندرية

ودعتنى ليلاا بامواجها اللى بتنور فى عز اليل والضلمة على شطها

ودعتنى ببحرها وعطره الرائع

ودعونى اهل اسكندرية احلى وداع

صدق من قال ان الاسكندرية هى موجة حب على ارض مصر شوفتها وانا مسافر جملة مكتوبة على بوابتها

ده كان اول امبارح

امبارح وصل صديقى واخويا عبد الله قضيت معاه ساعتين حلوين كدا رغم انه بوظلى الريجيم بس مسامحه برده

اما النهاردة فرحتى لا توصف بجد كسبت رهانى مع نفسى انى اجتهد الترم التانى واشتغل صح واجيب تقديرات وعملتها الى حد كبير

الترم ده جبت اتنين جيد جداا فرقت على الامتياز 2 فى المية فى واحدة والتانية 1 فى المية

وواحدة جيد مرتفع واتنين مقبول الحمد لله انى مشلتش حاجة وعديت فى المادة اللى اسمها الجوانب والجريمة والبتاع دى

بس اهو جبت المجموع الكلى مقبول لانى الترم الاول كنت مهنج بغبااااااااااااء

شكرااا لزمااااااااااااايل 513 اللى ساعدونى كتير وباجتهادنا مع بعض عدينا كلنا الحمد لله بخسائر قليلة امام النجاحات والانجزات

الحمد لله مبرووووووك ليا ولكل اصحابى ول 513 ولكل اللى نجحو فى حاسبات الدفعة التانية وكل اصدقائى فى جميع الكلياااااااااات

احمدك يارب ويارب دمها نعمة

سلام يا حاسوباتية

 

!!!!!!!!!!! طاااااااااااااالبة استقاااااااااااامة

السلام عليكم

من زمان ما كتبتش على البلوج حاجة مجرد ان كل يوم ببص على اى حاجة كدا وامشى بس النهاردة انا عايز اكتب حاجة كانت فى دماغى من قبل الاجازة بس اجلتها ….. ليه ؟؟؟؟ هاقولكم فى الاخر

المهم الموضوع اسمه طالبة استقامة!!!!

يعنى ايه ؟؟؟

 

مش عارف افكر .. فكر معايا بليز

اول مرة اكتب بوست هنا وانا محتاج بجد ناس كتيرة ترد

بجد انا تعبان متحير مخنوق حاسس بحاجات غريبة

الاجازة بدات وقضينا يوم روعة والكل مبسوط رجعت البيت نمت صحيت وانا لحد الوقتى بفكر فى حاجة مهمة جداا بلنسبالى

كنت ناوى اخد كورس جافا الصيف ده

اتاجل الموضوع ده او وقف

قلت ماشى مش مهم ادور بقا على شركة اتدرب فيها او اشتغل فيها

بس جيت افكر شوية لقيتنى مش متخصص فى حاجة لقتنى على مادار السنتين دول قريت فى كل حاجة واشتغلت فى كل حاجة عرفت اساسيات كل حاجة وحبيت كل حاجة بشتغلها

بس الوقتى انا مش متخصص فى حاجة لما جيت افكر هاتدرب طيب هاتدرب فى ايه وعلى ايه

طيب اكمل فى ايه جرافكس ولا برمجة ولا ويب يفيلوب

مش عارف طيب لو رحت اشتغلت تجميع او بياع فى اى شركة مش خجلان ولا حاجة ولا مستقلها بس انا لو عملت كدا

هاقتل وقتى ومش هاعرف اذاكر

مش عارف بجد محتاج ردودكم ومحدش يقولى اشتغل فى اللى تحبه لانى لما كنت بشتغل فى حاجة كنت بحبها ولما بارجعلها بحبها عادى جداااااا

مش عارف هو انا اللى غلطان انى معرفتش طريقى من الاول ولا ده الطبيعى؟؟؟؟؟

سلام

 

يوم غريب من اوله وانتهى كما توقعت

النهاردة يوم غريب

النهاردة يوم بشع النهاردة يوم ………… حزفت للرقابة

يبداء اليوم عندما دقت الساعة 4 صباحا

قومت انام وظبط المنبه على الساعة 6

ولكنى صحيت من غفوتى الساعة 7.30

قلت هييييييييه نمت كتير ولكنى قولت ضاع منى ساعة ونص مممممممممممم لكن موش موشكل خالص

فتحت الجهاز جرى كاعادته الى الابونتو فرحاا بيها

فتحت المسنجر وبصيت على المنتدى

اتيت بلورق والكتاب وقعدت اذاكر متناسيا متجاهلااا شبتر 7 لانى مش هاعرف احفظ حاجة مش فهمها

فا تجاهلته وقريت كما كنت اقراء من ساعات لا جديد ولكنها تثبيت اكتر للمعلومة

كل ذلك وانا اعلم ان المصير اليوم غير معلوم وشكلها سودة

قمت اشغل السخان لاخذ دش قبل النزول الى الجامعة

ورجعت اقراء نفس الكلام ونفس الورق

حضرت ملابسى وذهبت اخذ دشى

توقف صارخااا من قفل السخااااااااااااااااان ؟؟؟؟؟؟ امى ردت انا بحسبك نسيته كا العادة

م ممممممممممم كتمت غيظى وشحنتى وقلتلها بصوت عالى ماشى ماشى ى ما هو يوم اصلاا عارف اخرته

ردت تقولى اهدى يلا ابوك نائم

خرج ابويا من الغرفة سبيه سبيه عنده امتحان سبيه

ابتسمت واعدت اشغال السخان ورجعت مرة اخرى لاكرر نفس السابق ولكن مش كلياا

رجعت فتحت الميااااااه ثم ضغط على زرار الماتور لكن اين صوت الماتور واين المياه

يا بابا هو الماتور ماله

رد ابويا من الخارج

اتحرق امبارح

م خدت دشى ببقطرات مياه

ورجعت اجهز حقيبتى البلهاااااء

ونزلت وقفت فى الشارع انتظر تاكسى

بوابة علوم

اتفضل

جلست وجدته مشغلاا اغنية فريد الاطرش فوق غصنك يا لمونة

ممم اوك

وصلت اديته فلوسه نزلت دخلت الجامعة

وصلت للكشك سلمت على اصدقائة ببرود غير عادتى ولكنهم كانو على علم بذلك من كلامى على المسنجر

تركتهم وانزويت فى جمب كاى اقراء نفس الكلام

سويعات ثم ذهبت لاصلى الظهر

خرجت قبلت اخواتى بقا شلتى جم من المدينة لانهم كانو بايتين هناك وانا تخليت عن المبيت وذهب ليلاا الى منزلنا

وطلعنا وانا اشعر لصديقى بطرقة علوم بتاعتنا دى جوها حلو وساقعة كدا وجميلة

دخلت الطرقة واذا برائحة شبه مميتة كدن ان اختنق ولكنى تمكنت من عبورها حتى خرجت وانا اتنفس بصعوبة

عندما بداء الامتحان دخلت مكرهااا

واذا بورقة الاجابة توضع امامى وبسرعة لم اعتاد عليها يوضع امامى ورقة الاسئلة

سميت الله ونظرت للورقة بدائت بلابتسام وبداء تزول الابتسام تدرجيااا الذى تحول لصعقة عندما رائيت ان شبتر 7 عليه سؤال كامل 15 درجة يا هولى نزلت بعيناى ولكنى ابتسمت مرة اخرى عندما رائيت اخر سؤال

كتبت وفبركت كل ما اعرفه ولا اعرفه

حتى وصلت اللساعة الى 3 توقف قلمى عن الكتابة وظللت حتى الساعة الرابعة الا ربع

افكر فى مصيرى هل ستكون اول نكبات درستى طول حياتى واشيل مادة

ياااااااااااااله من احساس تخلله

وجوووووووووووم وقربت ان ادمع بفعل الرائحة وبفعل ما سوف القااااه

خرجت وانا اقوم مجتهداا لالقى بروحى فى ايدى المراقبة

خرجت لاجد اصدقااااااااااائى كلهم مثلى ولاكنى التزمت الصمت فترة كبيرة حتى جاء البنا يواسينى ويواسى نفسه واخذنى عبد الله الى المدينة لاحضار اسطونات الفيدورااا

رجعنا وقدينا النشيد الوطنى لحاسبات

1111.2222..3………… حمرررررررررررررررررررررررررررررة

ثم اتفقنا على توحيد التوقيع

We Were UploadeD

بييييييييييييييييييييييييس

وروحنا قبلت ابى فور وصولى بدرنى بسؤاله عن الامتحان قلت الحمد لله على كل شىء بس زفت

قلى مداعبى او لمنع دموعى الذى يراها فى عينى اعتقد ذلك

قلى طول عمرك فاشل يا ابن ال………… يلا روح

سالتنى امى ايضاا رديت عليها انا مش قايل شايلها

قلتلى يعنى قبل الامتحان شايلها وبعده كمان

رديت وانتى عايزة ابنك يطلع عيل فى كلامه

اعتقد ان ابى سوف يحاورنى فى هذا الموضوع بعد هدوءى لعله الان لانه ينادينى

سلاااااااااااااام

 

اين حقى انااااااااااا؟؟؟

اليوم اشعر بضيق الحلقة

كانت دائما تقل من اتساعها واراها قادمة بظلمها وظلامها الدامس

اليوم اراها بعينى ارى الظلم والظلام اراهم … لا لم اراهم ولاكنى اشعر بهم لانى لا استطيع رؤية شىء الان

والاكثر ظلماا ان الايادى التى تتوقع منها اخفاء الظلام ورفع الظلم هى الايادى التى اول ما امتدت امتدت على دفعى للظلام والحزن

لكن الوقت ليس وقت ذلك غداا امتحان

ولم افتح كتاب او ورقة ولاكنى يجب ان افعل

والان امسك ورقة وقلم ولكن اين التفكير اين ذهب

ذهب كله فى التفكير فى كيف افصل كيف انهى كل المشاكل

ولكنى فى حاجة الى المذاكرة ولكن

لا حياه لمن تنادى فا ان عقلى فى واد وانا فى واد اخر كلااا منا يفكر بشكل

وتظل روحى حائرة باكية لا تعرف الى اين ذاهبة

اما الان انا جالس وحيداا فى غرفتى اما جهازى اكتب مباشرة دون نقل

لا اسمع غير دوى من خارج الشارع واصوات من داخل المنزل تعلو “انا على حق وهذا يقول انا على حق “

ولكنهم تنساو حقى ويطالبونى بلوقوف لاظهار الحق

اي حق هذا استطيع ان اظهره وانا اول من سلب منى حقى

اطفئت الانوار واشغلت بعض الاغانى مغلاقا النوافذ والابواب حتى لا اسمع ما بلخارج وجلست احاول انا اقراا ولكن لقد اغلقت على عقلى البابا فا عقلى ماذال يفكر ما بلخارج

هذا ما اشعر به الان جئت لاكتبه مباشرة دون افضائه حتى فى ورقة فان اليوم لم
يعد يوم الورق والاقلام

سلااااااااااااااااااااااااااام

 

حياتى هى حلم .. لكن يجب ان استيقذ منه

الحياه بدون حياه
اسوء شعور ممكن تحس بيه هو انك تحس انك مش انت اللى فى دماغك

اه انا رومنسى بعض الشىء

لكن لا يعنى ذلك انى اقتل بها

يجب ان اكون واقعياا والاقتراب من الارض اكثر فاكثر بدلاا من الطيران غير المحسوب الذى اطيره تهفو بى نسمات قلبى

يجب ان اكون عقلياا اكثر من ذلك

يجب انا ارمى قلبى ليتعود انه مقيد باحكام عقلى
حتى لا يطير مرة اخرى ويصدم بانه ساقطاا على الارض من طيران على شىء زائف
وحتى لا يسقط على سهام مسنونة لا تقتل ولكنها تجرح جراحا لا ينساها الانسان ابداا

ومدواتها تاخذ عمراا اكثر من سببها وهو الطيران الذائف بلاحلام

رغم انى احب ذلك واعشقه لانى اعشق الحب لكنى بعد البحث عنه ادركنى التعب واليأس
ولم اجده … وجدته موجدود ولكن مجبراا
وجدت الحب يبكى لانه كان سبب فى جرح قلوب تتمنى لقاه
لانه كان اداه فى ايادى قلوب لاتعرف الحب ايادى بشر تعرف الحب بانه مصالح او ماشبه
ولكنهم لا يعلمون معنى الحب الحقيقى

الذى بحثت عنه
مجتهدااا ولكنى لم اعثر عليه ولم يعثر على

وسقط لاجد نفسى فى واقع ملىء بلكره والحقد ومفروض على العيش فيه … مجبراا لا اكثر ولا اقل
لذلك يجب ان اكون عقلانياا فى هذا العالم

هذا ما اشعر به داخلى
الخير والشر الحب والكره

الحياه بدون حياه هى حياه بدون واقع هى حياء لحالم هى حياه مثالية فى عالم لا يعرف المثالية

 

حاسبات والثانوية العامة

اكيد كلنا عديناا على الثانوية العامة اخطر المراحل التعليمية

مع ان شعارها افهم تسقط صم تجيب مجموع

كنت مثلتها بانها طريق ضلمة اوى وفى اخر الطريق باب

اه انت عارف طريقك بس على جنبن الطريق

ناس كتير فى منهم اللى بيشجعك ويوزقك لقدام وفى اللى بيضربك بغبااااااء وفى ناس بتكعبلك

الجدع اللى يطلع سليم من المطحنة

لكن الوقتى فى حاسبات الدور الاول

هاتلقيه برده ضلمة

وبابا فى االاخر بس الطريق مش موجود دور انت بقا

لقيته يا معلم

هاتلاقى نفس الناس اللى على الجمبين بس الناس الطيبين تقريبااا روح منهم كتير اوى وسابو مكان للى بيضربو

هاتلاقى اقلام وشلالايط وكعبلة

يا جدعان براحة براحة الرحمة حلوة

يردو عليك ويقولو اهل الرحمة سابوك يا معلم استلقى وعدك

الجدع المرة دى اللى يطلع سليم بهدومه

بتكلم غلط لو غلط قولولى

يلا سلام لانى شايف حفرة يوم السبت لانط من فوقها لاتنيل اقع فيها

بيس

 

هى الدنيا مش بتحبنى ليه؟

هى فعلاا الحياه بتكرهنى ؟؟؟؟

ولا انا اللى معنتش بحبها

مش عارف

طيب ليه بتقول كدا

اقولك …… اكيد قريت مقالى اللى فات وانا بقول انى رجعت وفرحان وشغال وبتاع وبقيت كويس

وكان الدنيا قالت ايه ده الواد ده فرحله يومين هاته

وفعلااا

النتيجة تظهر

 

تقريباااا نتيجة حد تانى غيرى

هى مش كلها مش انا لكن بجد فى حاجات اتظلمت فيها

وحسبى الله ونعم الوكيل

مش عارف ليييييييييييييييييه الناس اللى بتشتغل طول السنة وتزاكر يحصلها كدا والناس اللى مش فى دماغها نلقيها امتيازات وكدا

مش بحقد والله

بس خليك مكانى تعبت زكرت ولقيت الناتج مش اد المجهود

 

اه تعبت نفسوياا تانى

بس برده معنديش غير قول

الحمد لله

وحسبى الله ونعم الوكيل

ومفيش فااااااايدة 

على رائى ناس دون زكر اسماااااء واحقاقاا للحق وعشان الناس ماتزعلش وتقول سرقة فكرياا ولا حاجة 

 ما علينا

يلا سلام 

 

اخيرااااا … رجعت

قولتلكم قبل كدا انى لما هارجع ولما الاقى نفسى هاقولكم

 انا جيت بقا اقولكم انى الحمد لله لقيت نفسى فعلااا

 رجعت ميتو اللى انا اعرفه او اللى نفسى يبقى كدا

 كنت بكلم اختى من اسبوعين كدا او اكتر

وكنت بحكيلها انى عايز ارجع بس مش قادر

قالتلى

 لا يفل الحديد الا الحديد

 بصتلها وقلتلها لالالالالالالالالالالالالا

كفاية حديد مش عايز حديد خلاص تعبت منه

قالتلى مش لازم يكون الحديد نفس نوع الحديد اللى قبل كدا

لكن يبقى بقوته عشان تعرف تعيش

بصتلها وقلتلها فلسفة فاضية ناس بتوع علم نفس صحيح

 بس بصراحة فكرت فى الكلمة دى كتير لكن معرفتهاش غير امبارح

واقتنعت بيها جدااا

انا لقيت الحديد التانى

لكن مش زى الحديد الاولانى خالص الحمد لله

الحديد التانى هو شغلى ومستقبلى لازم ياخد كل تفكيرى بقا

 والحمد لله

السبب الرئيسى فى تغير مجرى حياتى هى ال

CAT

ايوه

الحمد لله استفادت كتير اوى منها وان شاء الله مش هاسيبهم ابداا لانهم كلهم بقو اصحابى واخوتى الكبار

ومعاهم بنسى كل زمان وكل جروحه بفكر بس فى مستقبلى

انا فى حياتى اتخبط خبتطين بلحديد الاولانى كانو جامدين اوى دوخت وطرت فى الجو لا طايل سما ولا طايل ارض

على رئى واحد حبيبى بيقولى نفسى تنزل تعيش معانا على الارض

وبطل تطير باحلامك دى

انا بقوله بقا انا الحمد لله رجلى لمست االارض لكن بصراحة لسه مركزتش محتاج وقت عشان اركز بيها لكنى انا بمشى على ارض الواقع

بتحسسها

والحمد لله احلامى المظلمة ودنيتى الكئيبة بدئت تتحلو لنور خافت

ولكنى ارى على بعد ليس بكثير النور الابيض نور الحياه والمستقبل

بجد بجد بجد رغم تعبى اللى فات ده كله من اوهام وخبطات الحمد لله رجعت انا بدور على مستقبلى وهدف تانى غير الوهم هدف اراه حقيقى

بجد بجد بجد اشكر كل اللى فى الكات وكل اصحابى واختى

على اللى عملوه فيهاا

تغير مسار حياه صعبة اه لكن بجد كانت معاهم احلى سهولة

وان شاء الله انا راجع للاحسن وللاحسن

طولت انا عارف لكن حبيت افرحكم وافرح نفسى

سلام